Ulttyq kásipkerler palatasy prezıdıýmynyń tóraǵasy Tımýr Qulybaev jumys saparymen Ońtústik Qazaqstanda boldy. Oblys bıznesmenderimen arnaıy keńes ótkizilip, onda kásipkerliktiń ózekti máseleleri talqylandy.
Keńesti asha otyryp Tımýr Asqaruly Ulttyq kásipkerler palatasy tarapynan alty aıda atqarylǵan naqtyly isterge toqtaldy. Uıymdastyrý jáne kadrlyq jumystar tııanaqtaldy. Respýblıkalyq deńgeıde joǵary bılik organdarymen tyǵyz baılanys ornatyldy. Memlekettik sheshimder qabyldaýda bıznestiń orny men róli jan-jaqty eskerilýde. Zańdar men zańnamalyq qujattarǵa bes júzden astam ózgerister men túzetýler endirildi.
Endigi jerde óńirlik deńgeıdegi jumysty túbegeıli túrde jandandyryp, shırata túsýdiń mańyzdy ekeni belgili, dedi T.Qulybaev. Osy oraıda OQO kásipkerler palatasyna júkteler mindetter úlken. Bıznesti damytýdyń óńirlik kartasyn qalyptastyryp, zamanaýı izdenistermen jumys isteý kerek. Oblysta kásipkerlikke jan-jaqty kóńil bólinedi. Degenmen, barlyq jerdegideı áli de kedergiler kóp. Biz oblys ákimdigimen birlese jumys júrgizýdiń mehanızmderin aıqyndadyq. Memlekettik baǵdarlamalar men mańyzdy jobalardy júzeleýdiń neǵurlym tıimdi joldaryn qarastyramyz. Memlekettik satyp alý, jer qoınaýlaryn paıdalaný, adam kapıtalyn damytyp, kadrlar daıarlaýdy ýaqytqa ıkemdeý, jergilikti óndirisshilerge keń jol ashý – mine, munyń bári elimizdiń EAEO-ǵa kirýine baılanysty jańa mazmunǵa ıe bolatyny aıan.
Ulttyq kásipkerler palatasynyń atqarýshy tóraǵasy Abylaı Myrzahmetov jańa baǵdarlamalar men jobalar týraly aıta kelip, ásirese, aýyl sharýashylyǵynyń ózgeshe basymdyq sıpat alatynyn atap kórsetti. Nesıe, kepildik, bıznes-josparlar jónindegi qıyndyqtardy bilemiz, dedi ol, osy máseleler jóninde Túrkııa tájirıbesin zerttep qaıttyq. Naqtyly usynystar berildi, nátıjeler de bolady.
OQO kásipkerler palatasynyń dırektory Jeńisbek Dýlatov oblystaǵy bıznesin jańa bastaǵan kásipkerlermen jumys, ár aýdannyń aıryqsha baǵyttary, shaǵyn jáne orta bıznestiń damý barysy jóninde baıandady.
Keńes sońynda oblys ákimi Asqar Myrzahmetov Memleket basshysynyń tapsyrmalaryna sáıkes kásipkerlikti damytý jónindegi atqarylǵan tirlikterge qysqasha toqtalyp, ındýstrııalandyrý kartasyna baılanysty jobalar Shymkentte ǵana emes, barlyq aýdandarda júzelenip jatqanyn áńgimeledi. Keńeste qozǵalǵan ózekti máseleler jóninde óz kózqarasyn bildirip, oblys tarapynan qosylar úlesterge toqtaldy.
«Egemen-aqparat».