Tennısten Qazaqstan qyzdar quramasynyń kóshbasshysy Elena Rybakına Almatyǵa kelip, jas tennısshilermen kezdesý ótkizdi.
Sondaı-aq sportshy jýrnalıstermen baspasóz máslıhatyn ótkizip, jańa maýsymdaǵy oı-josparyn ortaǵa saldy. Jıynda Elena jeltoqsan aıynyń ortasynda Ábý-Dabıde ótetin kórme-jarysqa qatysatynyn, sosyn Dýbaıda jańa maýsymǵa daıyndalatynyn jetkizdi. Qazaqstannyń birinshi raketkasynyń jańa jyldaǵy alǵashqy jarysy Aýstralııanyń ashyq chempıonaty bolmaq.
Baspasóz máslıhatynan keıin tennıs ortalyǵynyń tárbıelenýshileri ataqty sportshymen kortqa shyqty. Elena balalarmen birge jattyǵyp, sheberlikterin arttyrý baǵytynda aqyl-keńesin aıtyp, suraqtaryna jaýap berdi.