Sınoptıkter 3 jeltoqsanda aýa raıyna baılanysty jeti óńirde eskertý jarııalady, dep habarlaıdy Egemen.kz.
Túnde jáne tańerteń Batys Qazaqstan oblysynyń soltústiginde tuman túsedi.
Aqmola oblysynyń ońtústiginde, shyǵysynda jaıaý burqasyn soǵady. Soltústik-shyǵystan jel soǵady, oblystyń ońtústik jartysynda ekpini 15-20 m/s kútiledi.
Almaty oblysynyń ońtústiginde jáne taýly aýdandarynda tuman túsedi. Almaty qalasynda da túnde jáne tańerteń tuman bolady.
Aqtóbe oblysynyń ortalyǵynda, shyǵysynda soltústik-shyǵystan jel soǵady, ekpini 15 m/s jetedi.
Túrkistan oblysynyń ońtústiginde, batysynda, taýly jáne taý bókterli aýdandarynda tuman boljanady. Soltústik-shyǵystan jel soǵady, kúndiz taýly aýdandarda 15-20 m/s.
Shymkentte túnde jáne tańerteń keı ýaqytta tuman kútiledi.