Tennısten Qazaqstan quramasynyń oıynshylary jańa maýsymǵa daıyndyǵyn Birikken Arab Ámirlikterinde bastaıdy.
5-25 jeltoqsan aralyǵyna josparlanǵan Dýbaıdaǵy oqý-jattyǵý jıynyna elimizdiń áıelder jáne erler quramalarynyń tennısshileri qatysady. Sondaı-aq Team Kazakhstan akademııasynyń jas oıynshylary eresektermen birge daıyndalady. Ulttyq qurama kapıtandary – Iýrıı Shýkın men Iаroslava Shvedova jattyǵý jıynyna Elena Rybakına, Anna Danılına, Jibek Qulambaeva, Gózal Aınıtdınova, Andreı Golýbev, Aleksandr Nedovesov, Tımofeı Skatov, Mıhaıl Kýkýshkın, Beıbit Juqaev, Denıs Evseev, Dmıtrıı Popko, Aryslanbek Aıtqulov jáne Islam Orynbasar sekildi tennısshilerdi shaqyrǵan.
Jıynnan keıin qazaqstandyq tennısshiler Aýstralııaǵa attanady. Jerlesterimizdiń bir bóligi United Cup kýboginde, basqalary Adelaıda WTA 500 jáne Hobart ATP 250 týrnırlerinde óner kórsetedi. Sonymen qatar «Úlken dýlyǵanyń» alǵashqysy – Australian Open birinshiliginde de baq synaıdy.