«Azamattarǵa arnalǵan úkimet» memlekettik korporasııasy» KeAQ Qyzylorda oblysy boıynsha fılıaly Halyqqa qyzmet kórsetý ortalyǵynyń №1 bólim mamandary ǵasyr jasaǵan Kúlhatsha Baıbolatovanyń tólqujatyn jańalap berdi. Mamandar tyl ardageriniń úıine baryp qyzmet kórsetip, sýretke túsirip, qujatyn rásimdegen. Keıin qujaty daıyn bolǵanda arnaıy baryp tabystady.
Ǵasyrlyq ǵumyr ıesi 1922 jyldyń 1 mamyrynda dúnıege kelipti. Mamandar tólqujatyn tabystaýǵa barǵanda aldyna alyp otyrǵan Ábdimálik esimdi shópshegi men Kúlhatsha áje ekeýiniń arasynda tup-týra 100 jyl jatyr.Áje ózine qaltqysyz qyzmet kórsetken HQO mamandarynyń qurmetine alǵysyn bildirip, aq batasyn berdi. Jyl basynan beri fılıal mamandary turǵyndardyń úıine baryp 1 882 qyzmet kórsetken. Ásirese elektrondy sıfrlyq qoltańba alý, tólqujat aýystyrý jáne múgedekterdi tehnıkalyq-kómekshi quraldarmen qamtamasyz etýge kerekti qujattardy rásimdeý qyzmetterine tapsyrys kóp túsip otyr.
Múmkindigi shekteýli jandar, UOS ardagerleri men olarǵa teńestirilgender jáne densaýlyǵyna baılanysty júrip-turýy shektelgen 65 jastan asqandar 1414 biryńǵaı baılanys ortalyǵyna habarlasyp, qyzmettiń osy túrine tapsyrys bere alady.