Keshe Kolýmbııanyń bas shahary – Bogotada aýyr atletıkadan kezekti álem chempıonatynyń alaýy tutandy. Dúnıe júziniń 93 elinen kelgen 550-ge jýyq ziltemirshi 20 salmaqta (erler – 10, áıelder – 10) kúsh synasady.
Bıylǵy álem birinshiligine Nurjan Smahanov jattyqtyratyn Qazaqstan quramasynan 13 sportshy (9 er, 4 áıel) attandy. Atap aıtar bolsaq, Kolýmbııada el namysyn álem jáne Azııa chempıony Arlı Chonteı (55 kg), Rıo Olımpıadasynyń qola júldegeri Denıs Ýlanov (89 kg), jasóspirimder arasyndaǵy Azııa chempıony Nurǵısa Ádiletuly (96 kg), jasóspirimder arasyndaǵy álem birinshiliginiń jeńimpazy Artem Antropov (102 kg), sondaı-aq túrli dodada el qorjynyna júlde salyp júrgen Anatolıı Savelev (67 kg), Alekseı Chýrkın (73 kg), Araı Nurlybekova (76 kg), Elaman Seıitqazy (81 kg), Asyljan Bektaı (89 kg), Álisher Seıitqazy (96 kg), Aısha Omarova (81 kg), Aıym Esjanova (87 kg) jáne Lıýbov Kovalchýk syndy sportshylar qorǵaıdy.
Bir aıta keterligi, 16 jeltoqsanǵa deıin jalǵasatyn Bogotadaǵy tolaǵaılar básekesinde 2024 jyly Parıjde uıymdastyrylatyn Jazǵy Olımpııa oıyndarynyń joldamasy sarapqa salynady.