Qatardaǵy Brazılııa karnavaly

Áıgili fýtbolshy Pele­niń bir suhbatynda: «Sen­der soǵa alǵandaryńsha gol soǵasyńdar, al biz qalaǵanymyzsha gol so­ǵamyz», dep aıtqany bar edi. Keshe Koreıa quramasymen match ótkizgen Peleniń izbasarlary Kım Sen Gıý qorǵaǵan qaqpaǵa qalaǵanynsha gol soqty. Úzilis kezinde Brazılııa quramasynyń bas jattyqtyrýshysy shákirt­terinen oıyn qarqynyn bá­seńdetýin surap, eıforııaǵa be­­rilmeı, shırek fınal match­yn da oılaý kerektigin eskert­pe­ge­ninde, ekinshi taımda Neımar bastaǵan jigitterdiń taǵy qansha gol soǵatynyn boljaýdyń ózi qıyn edi.

Toptyq kezeńde ár upaı ma­ńyzdy bolǵan soń, brazı­lııa­lyq fýtbolshylar topyrlatyp gol soǵa bergenshe, meılinshe kóbirek upaı jınaýǵa basa nazar aýdardy. Al kóp gol soǵý qajet bolǵan pleı-off matchynda, olar bul tapsyrmany da buljytpaı oryndady. Biraq bul jerde kóp máseleni quramalardyń deńgeıi sheshkenin de aıta ketý kerek. Máselen, Brazılııa men Ońtústik Koreıa fýtbolshylary osyǵan deıin bes márte joldastyq match ótkizip, sonyń bárinde Oń­tústik Amerıka qurlyǵynyń ókil­deri iri eseppen jeńiske jetken. Sońǵy ret jaz mezgilinde uıymdastyrylǵan kezdesýde Brazılııa qarsylastaryn 5:1 esebimen tize búktirgen bolatyn. Al bul jolǵy básekede bra­zılııalyqtar qarqynyn joǵalt­paǵanyn, koreıalyqtar bol­sa, áli de sol deńgeıden kóte­rile almaǵanyn baıqatty – 4:1.

Kezdesýdiń jetinshi mınýtynda Vınısıýs Jýnıordyń bastap bergen goldar shoýyn 13-mınýtta Neımar penal­tımen jalǵady. Bul – Neı­mardyń ulttyq qurama sapynda soqqan 76-goly. Eger ol kelesi matchta da mergendik tanytatyn bolsa, onda dańqty otandasy Pelemen teńesedi. Birinshi taım aıaqtalǵanǵa deıin bra­zılııalyqtardan Rısharlıson (29-mınýt) men Paketa (36) qan­jyǵalaryn bir-bir golmen maılady. Koreıa quramasynyń jalǵyz golyn ekinshi taımnyń 76-mınýtynda Paık Sın Ho soqty.

Japonııa – Horvatııa match­ynda eýropalyqtar qaǵaz jú­zinde kezdesýdiń basty fa­vorıti sanalǵanymen, barsha jurt Kún­shyǵys eliniń ókilderi irikteý kezeńinde «ajal tobynan» qalaı birinshi orynmen shyqqanyn jaqsy biledi. Sondyqtan keshegi oıynda Horvatııa fýtbolshylary asa saqtyqpen oınap, matchty barynsha penaltı serııasyna deıin sozǵany anyq baıqaldy. О́ıtkeni toptyq kezeńde qatyryp oınamaǵan «shaqpaq jeıdeli» quramanyń fýtbolshylary keıin­gi birneshe iri týrnırde tek pe­naltıdiń arqasynda ǵana ke­lesi kezeńge ótip júrgenin jan­kúıer­ler jaqsy biledi. Bul matchta da dál sondaı jaǵdaı qaı­ta­landy.

Kezdesýdiń birinshi taımyn Japonııa quramasy óte jaqsy ótkizdi. Alǵashqy mınýttardan bas­­tap 45-mınýtqa deıin Horvatııa qaqpasyna bir­neshe márte qaýipti shabýyl uıym­das­tyrǵanymen, bar-joǵy bir ǵana gol soǵa aldy. 43-mınýtta Horvatııa qaq­pasynyń al­dyndaǵy qarbalas sátte Daıdzen Maeda eptilik tanytyp, matchtyń esebin ashty. Ekinshi taımnyń 55-mınýtynda horvatııalyq Ivan Perıshıch tarazy basyn jyldam teńestirip ketti. Bul – Perıshıchtiń álem chempıonatynda soqqan altynshy goly. Ol bul nátıjesimen otandasy Davor Shýkermen teńesip aldy. Matchtyń qalǵan ýaqytynda da, qosymsha ekstra-taımda da Japonııa men Horvatııa fýtbolshylary gol soǵyp, jeńimpazdy anyqtaı almady. Sóıtip kelesi kezeńge shyǵatyn quramany match sońynda penaltı lotereıasy anyq­tap berdi.

Penaltı tebýge jáne 11 metrlik aıyp dobyn qaıtarýǵa ábden mashyqtanǵan Horvatııa quramasyna sheshýshi tusta sát­tilik joldas bolyp, qaq­pa­shy Lıvakovıchtiń sheber­ligi ar­qasynda shırek fınalǵa joldama aldy. Qorytyndy esep – 2:1 (penaltı – 3:1). Horvatııa quramasynyń qaqpashysy Do­mınık Lıvakovıch Japonııa fýt­bolshylary tepken úsh penaltıdi qaıtaryp, komandasyna mańyzdy jeńis syılady. Ol Takýmı Mı­namıno, Kaorý Mıtoma men Maıa Iosıda tepken dopqa toıtarys berdi.

Aıta keteıik, horvatııalyq fýtbolshylar 2018 jylǵy álem chempıonatynyń 1/8 fınalynda da, shırek fınalda da Danııa men Reseı quramalaryn oıyn sońyndaǵy penaltıden jeńip, fı­nalǵa deıin jetken edi. Endi Horvatııa quramasy shırek fınalda Brazılııamen kezdesedi.