Kólik garajynan «Ekibastuz jylý-energo» JShS ýchaske basshysynyń máıiti tabyldy.
Bul fakti sotqa deıingi tergep-tekserýdiń biryńǵaı tiziliminde tirkelip, Ekibastuz qalasynyń polısııa basqarmasynda tergeý amaldary júrgizilip jatyr. Bolǵan oqıǵanyń mán-jaıy aldyn ala anyqtaldy.
– 33 jastaǵy er adamnyń múrdesi Ekibastuz qalasyndaǵy avtogarajdardyń birinde, qozǵaltqyshy jumys istep turǵan jeke avtokólikten tabyldy. Aldyn ala málimetter boıynsha, ólim jaǵdaıy otbasylyq janjaldyń saldarynan bolǵan jáne marqumnyń qyzmetimen baılanysty emes. Birqatar saraptama taǵaıyndaldy, olardyń nátıjeleri boıynsha prosessýaldyq sheshim qabyldanady, – dedi Pavlodar oblystyq polısııa departamenti bastyǵynyń orynbasary Rashad О́teýov.
Aldyn ala boljam boıynsha, er azamat áıelimen bolǵan janjaldan soń garajǵa ketip, kóligin otaldyrǵan. Keıin ol uıyqtap ketip, gazdan ýlanyp qalǵan bolýy múmkin.
Ekibastuz jylý-energo ortalyǵy marqumnyń buǵan deıin shyn máninde stansada ýchaske basshysy qyzmetinde jumys istep kelgenin rastap otyr.
Pavlodar oblysy,
Ekibastuz qalasy