Memleket basshysy «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Qazaqstan Respýblıkasy Prezıdentiniń 2019 jylǵy 26 jeltoqsandaǵy №229 Jarlyǵyna ózgerister men tolyqtyrý engizý týraly» Jarlyqqa qol qoıdy, dep habarlaıdy Egemen.kz Prezıdenttiń baspasóz qyzmetine silteme jasap.
QAÝLY ETEMIN:
1. «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Qazaqstan Respýblıkasy Prezıdentiniń 2019 jylǵy 26 jeltoqsandaǵy №229 Jarlyǵyna mynadaı ózgerister men tolyqtyrý engizilsin:
taqyryp mynadaı redaksııada jazylsyn:
«Qazaqstan Respýblıkasynda tekserýlerge jáne profılaktıkalyq baqylaýdy baryp júrgizýge moratorıı engizý týraly»;
1-tarmaqta:
birinshi abzas mynadaı redaksııada jazylsyn:
«1. Ortalyq memlekettik jáne jergilikti atqarýshy organdar 2020 jylǵy 1 qańtardan bastap 2024 jylǵy 1 qańtarǵa deıin shaǵyn kásipkerlik sýbektilerin, onyń ishinde mıkrokásipkerlik sýbektilerin tekserýlerdi jáne profılaktıkalyq baqylaýdy baryp júrgizýdi toqtatsyn, oǵan mynalar qosylmaıdy»;
mynadaı mazmundaǵy 2-1) tarmaqshamen tolyqtyrylsyn:
«2-1) Qazaqstan Respýblıkasynyń Kásipkerlik kodeksine sáıkes júrgiziletin jospardan tys tekserýler;».
2. Osy Jarlyq 2023 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń
Prezıdenti Q.Toqaev
Astana, Aqorda, 2022 jylǵy 7 jeltoqsan
№ 44