Astananyń «Barysy» Qurlyqtyq hokkeı lıgasyndaǵy (QHL) kezekti oıynyn «Barys Arenada» Qazannyń «Ak Bars» klýbymen ótkizdi.
О́tken týrda О́feniń «Salavat Iýlaev» ujymyn 2:1 esebimen jeńgen jerlesterimiz bul joly «Ak Barsty» býllıt serııasynda qapy qaldyrdy – 3:2. Oıynnyń alǵashqy bóliginde «Barys» hokkeıshileri qarsylastary qaqpasyna eki shaıba soǵyp, jergilikti jankúıerlerdi bir jelpintip tastady. Kezdesýdiń 9-mınýtynda Arkadıı Shestakov esepti ashsa, birinshi kezeńniń aıaqtalýyna sanaýly mınýt qalǵanda Aleks Grant «4h4» formatynda mergendik tanytty.
Ekinshi kezeńniń bel ortasyna jetkende «Ak Bars» hokkeıshisi Nıkıta Dynıak esep aıyrmasyn qysqartsa, úshinshi kezeńniń aıaqtalýyna bes mınýt qalǵanda Kırıll Petrov tarazy basyn teńestirip, oıyndy overtaımǵa ulastyrdy. Degenmen qosymsha ýaqytta da eki komanda hokkeıshileri bir-birinen aılasyn asyra alǵan joq. Al býllıtter serııasynda «Barystyń» baǵy jandy – 3:2.
Turaqty birinshiliktiń komandalary QHL-diń «Juldyzdar matchy» men «Birinshi arna kýbogi» halyqaralyq týrnırlerine baılanysty 19 jeltoqsanǵa deıin úziliske shyqty. «Barys» kelesi oıynyn 19 jeltoqsanda Nıjnekamskide jergilikti «Neftehımıkpen» ótkizedi.