Grıgorıı Lomakın, Iаroslav Pshenıchnyı jáne Taıyr Qaıretdınov bastaǵan qazaqstandyq jas tennısshiler halyqaralyq týrnırlerdiń fınalısi atandy.
Atap aıtqanda, G.Lomakın juptyq synda brazılııalyq Igor Hımenespen birge Vakarııada (Brazılııa) uıymdastyrylǵan ITF jarysynyń (júlde qory – 25 myń dollar) fınalyna deıin jetip, sońǵy básekede brazılııalyqtar – Joao Loýreıro men Gýstavo Heıdege ese jiberdi – 6:3, 6:7 (5:7), 5:10.
Túrkııada 14 jasqa deıingiler arasynda úshinshi sanattaǵy Tennis Europe dodasynda Pshenıchnyı men Qaıretdınov fınalda reseılik Kartsev pen túrkııalyq Baıbarysqa jol berdi – 4:6, 2:6. Al Ispanııadaǵy Rafael Nadal akademııasynda 12 jasqa deıingiler arasynda ótkizilgen TEN-PRO Global Junior Tour týrnırinde Polına Lazarenko úshinshi orynǵa ıe bolsa, Abylaı Tóleýbaev «Týrnırdiń úzdik oıynshysy» atalymy boıynsha arnaıy júldemen marapattaldy.