Sársenbi kúni Ispanııanyń Barselona provınsııasynda eki poıyz soqtyǵysyp, 150-den astam jolaýshy zardap shekti, dep habarlaıdy Egemen.kz Sınhýa aqparat agenttigine silteme jasap.
«Ispanııa temir joldary» Renfe kompanııasynyń málimetinshe, jergilikti ýaqyt boıynsha 07:50 shamasynda Barselona qalasyna bet alǵan poıyz júk poıyzyna soqtyǵysqan. Zardap shekken jolaýshylar vagondardan evakýasııalandy.
Jergilikti tótenshe jaǵdaılar qyzmeti zardap shekkenderge kómek kórsetý úshin dereý oqıǵa ornyna shyqty. Buqaralyq aqparat quraldarynyń habarlaýynsha, olardyń beseýi aýyr jaraqat alǵan, úsheýi aýrýhanaǵa jetkizilgen, qalǵandary jeńil jaraqat alǵan.
Apat Barselonanyń qala mańyndaǵy temir jolynyń keıbir jelilerinde poıyzdar qozǵalysynyń toqtatylýyna ákeldi. Oqıǵanyń sebepteri áli zerttelmeı jatyr.