Arýjan Saǵyndyqova men Janel Rústemova Mysyrdyń Sharm-el-Sheıh qalasynda ótip jatqan ITF World Tennis Tour W15 týrnıriniń jartylaı fınalyna shyqty, dep habarlaıdy Egemen.kz.
Qazaqstandyq jup shırek fınalda reseılikter Elızaveta Mashna – Elızaveta Morozovany tize búktirdi.
Birinshi partııada reseılikter 6:3 esebimen basym tústi. Ekinshi sette de olar 4:1 esebimen alda turdy. Mine, osy sátte Janel men Arýjan oıyn tizginin óz qoldaryna ala bildi. Olar qatarynan bes geımdi óz esepterine jazdy – 6:4. Sodan keıin sýper taı-breıkte jeńisti julyp aldy – 10:6.
Jekeleı synda Janel Rústemova fransııalyq Naea Berekoecheıaǵa jol berdi – 1:6, 7:6 (7:3), 2:6. Dúnıejúzilik reıtıngte 832-orynda turǵan fransııalyq tennısshi Rústemovany jeńý úshin 3 saǵatqa jýyq ýaqytyn jumsady.