Bıylǵy qarasha aıynyń qorytyndysy boıynsha respýblıka boıynsha azyq-túlik taýarlary bir aıda 1,8%, bir jylda 24,1%-ǵa qymbattaǵan, dep jazady Egemen.kz.
Ásirese, azyq-túliktiń ósý dınamıkasy Ulytaý oblysynda anyq baıqalady, óńirdegi jalpy kórsetkish - 2,4%
Odan keıin elorda men Jambyl oblysynda da baǵa aıtarlyqtaı ósken. Ár óńirde - 2,2%.
Jyldyq dınamıka boıynsha sektordaǵy baǵanyń eń kóp ósýi Mańǵystaý oblysynda birden 31,4%-ǵa deıin tirkelgen.
Aqtóbe oblysy men Shymkent ekinshi jáne úshinshi orynda: ár óńirde 25,8%.
Eń az jyldyq ósim Shyǵys Qazaqstan oblysynda tirkelipti: «bar bolǵany» 22,6%.
Jemister men kókónisterdiń baǵasy da sharyqtap tur. Bir jylda 17,4% qymbattaǵan. Onyń ishinde jańa pisken jemisterdiń quny bir jylda 18,9%, kókónister 11%-ǵa ósti.