Elordada shekara arqyly zergerlik buıymdardyń úlken partııasyn zańsyz tasymaldaǵan er adam sottaldy, dep habarlaıdy Egemen.kz Qarjy monıtorıng agenttiginiń baspasóz qyzmetine silteme jasap.
«QMA Astana qalasy boıynsha departamenti ekonomıkalyq kontrabanda faktisi ıaǵnı, Eýrazııalyq ekonomıkalyq odaqtyń kedendik shekarasy arqyly asa iri mólsherde taýarlardy ótkizý boıynsha Nurjan Sýrapovqa qatysty qylmystyq isti sotqa joldady», delingen QMA habarlamasynda.
Ol Astana halyqaralyq áýejaıynda «Ystanbul-Astana» avıareısimen altyn áshekeılerdi tasymaldaý barysynda ustaldy. Mamandardyń qorytyndysy boıynsha deklarasııalanbaǵan «zergerlik buıymdar men saǵattardyń» jalpy kedendik quny 565 mln teńgeni nemese 1 mln 200 myń AQSh dollaryna jýyq somany qurady.
Sot sheshimimen, Nurjan Sýrapovqa 1,5 jyl bas bostandyǵyn shekteý túrindegi jaza taǵaıyndalyp, 565 mln teńge somasyna, jalpy salmaǵy 28 kg bolatyn, 7 myńnan astam zergerlik buıymdar memleket kirisine tárkilendi.