Qostanaı oblysynda júk kóligimen soqtyǵysqan jolaýshylar kóligi janyp ketti. Júrgizýshi oqıǵa ornynda kóz jumdy, dep habarlaıdy Egemen.kz.
10 jeltoqsan kúni saǵat 17.50 shamasynda «Qostanaı-Áýlıekól» tas jolynyń 22-shaqyrymynda, Talapker aýylynyń mańynda «Toıota Kamrı» kóliginiń júrgizýshisi rólge ıe bola almaı, qarsy baǵyttaǵy qozǵalys jolaǵyna shyǵyp ketip, júk kóligimen soqtyǵysqan.
Oqıǵa saldarynan kólik shetke ushyp, sol jerde otqa orandy. Jol apatynan júrgizýshi oqıǵa ornynda kóz jumdy.
Atalǵan fakti boıynsha polıseıler QR Qylmystyq kodeksiniń 345-baby boıynsha sotqa deıingi tergeýdi bastady.