Qazaqstandyqtar qaraqumyqtan taryqpaıdy. О́ıtkeni bizdiń el ishki naryqty otandyq qaraqumyqpen tolyqtaı qamtamasyz etti. Bıyl óndiris kólemi 66,9 paıyzǵa ósken.
Aýyl sharýashylyǵy mınıstrligi taratqan resmı málimetke súıensek, 2022 jylǵy qańtar-qyrkúıek aralyǵynda qaraqumyq jarmasy óndirisiniń kólemi ótken jyldyń uqsas kezeńimen salystyrǵanda 66,9 paıyzǵa ulǵaıǵan.
Bul rette otandyq 11 kásiporyn 30 myń tonnaǵa jýyq qaraqumyq shyǵarǵan. Atalǵan jarmanyń ortasha jyldyq tutyný kólemi 29,1 myń tonnany quraıdy. Osylaısha, bir jylǵa tolmaıtyn ýaqyt ishinde otandyq óndirýshiler ishki naryqty qaraqumyqpen tolyq qamtamasyz etti.
Qaraqumyqtyń negizgi óndirýshileri Pavlodar, Shyǵys Qazaqstan jáne Qostanaı oblystarynda shoǵyrlanǵanyn atap ótý kerek.
Sondaı-aq júıeli jumystyń nátıjesinde qaraqumyq ımporty bıyl 80 paıyzǵa tómendep, 600 tonnany qurady. Mysal retinde aıtar bolsaq, 2021 jyldyń qańtarynan qyrkúıegine deıin elge 3 myń tonnaǵa jýyq qaraqumyq jarmasy ákelingen.