Eýrazııalyq ekonomıkalyq odaq elimizdi damýdyń dańǵyl jolyna bastaıdy

ASTANA. 5 maýsym. Eýrazııalyq ıntegrasııa úderisi energetıka salasynyń órkendeýine erekshe basymdyq beredi. Bul týraly egemen.kz tilshisi habarlady. Qa­zaqstan men Reseı arasyndaǵy ekonomıkalyq baılanystar jyl saıyn artyp keledi. Ásirese, energetıka, ǵarysh, máde­nı-gý­manıtarlyq salalar boıynsha áriptestik jaqsy jolǵa qoıylǵan. Máselen, «Eýr­azııalyq energetıkalyq kor­porasııa» aksıonerlik qoǵamy reseılik seriktesterimen tyǵyz baılanys ornatqan. «Eýrazııalyq energetıkalyq korporasııasy» aq prezıdenti Abdýazım Rýstambaev: «Integrasııa – ýaqyt qajettiligi. Álemdik ekonomıkaǵa kosylý, ortaq naryqta shyńdalý barlyq elder úshin de mańyzdy. Osy turǵydan kelgende Memleket basshysy Nursultan Nazar­baev elimizdiń aldyna bıik maq­sattar qoıdy. Iаǵnı, Eýrazııalyq ekonomıkalyq odaq qurý arqyly eýrazııalyq ıntegrasııa jolyna túsý bizdiń elimiz úshin jańa tarıhı úderistiń bastaýyna aınaldy», – dedi. Abdýazım Rýstambaevtyń aıtýynsha, qazirgi kezde «Eýrazııalyq ener­ge­tıkalyq korporasııa» aksıonerlik qoǵamy Más­keýden bastap, Sankt-Peter­­býrg, Syzran, Belgorod, Ekate­rın­­býrg, Podolsk, Cheboksary jáne basqa qalalardyń zaýyttarymen óndiristik seriktestik baılanysta. Olardyń arasynda túrli jabdyqtar jasaıtyn Ýral zaýyty, «TıajMash» AAQ, «BelEnergoMash» AAQ, «Emerson» JShQ, «Moselektroshıt» AAQ, «Alstom paýer stavan» JAQ, «NPO «ElSıb» AAQ bar. Esterińizge sala keteıik, «Eýr­azııalyq energetıkalyq kor­porasııa» aksıonerlik qoǵamy ENRC quramyndaǵy (ERG enshiles kompanııasy) elektr energııa­symen jabdyqtaýshy iri kásip­oryn­dardyń biri. Eli­mizde óndiriletin elektr ener­gııasynyń 17 paıyzy osy kompanııanyń úlesinde. Joldybaı Bazar. Derekkóz: egemen.kz. Foto: Ortcom.kz.