Sınoptıkter 13-15 jeltoqsanǵa arnalǵan Qazaqstan boıynsha aýa raıy boljamyn usyndy, dep habarlaıdy Egemen.kz.
Aldaǵy úsh táýlikte Qazaqstan aýmaǵy áli de antısıklonnyń yqpalynda bolady, onymen negizinen jaýyn-shashynsyz aýa-raıy kútiledi. Tek respýblıkanyń batysynda, shyǵysynda, soltústik-shyǵysynda atmosferalyq frontaldy bólikterdiń ótýimen, qar, jaıaý burqasyn kútiledi. Elimizdiń ońtústigi men batysynda jeldiń jyldamdyǵy 15-20 m/s kúsheıýi boljanady.
Aýa temperatýrasy elimizdiń soltústiginde túnde 23-31 aıazǵa deıin, kúndiz 15-28 aıazǵa deıin, ortalyqta túnde 18-33-ke deıin, kúndiz 13-23 aıazǵa deıin, shyǵysta túnde 25-34 aıazǵa deıin, kúndiz 20-30 aıazǵa deıin, al elimizdiń batysynda túnde 0-8 aıazǵa deıin, kúndiz 5 aıaz - 5 jylyǵa deıin tómendeıdi. Qazaqstannyń ońtústigi men ońtústik-shyǵysynda kúrt ózgerister kútilmeıdi. Túngi aýa temperatýrasy 2-15 aıazdy quraıdy.