Sınoptıkter 13 jeltoqsanǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimeti boıynsha, Qazaqstan Respýblıkasy aýmaǵynyń basym bóligi antısıklonnyń yqpalynda bolady, soǵan baılanysty jaýyn-shashynsyz aýa raıy kútiledi. Tek respýblıkanyń soltústiginde, shyǵysynda burynǵydaı atmosferalyq frontaldy bólikterdiń ótýimen qar jaýyp, burqasyn jalǵasady.
Respýblıkanyń batysynda, soltústiginde, shyǵysynda, ońtústiginde, ońtústik-shyǵysynda jel kúsheıedi, ońtústik, ońtústik-shyǵysta tuman túsedi.
Astanada kóshpeli bult shyǵady. Batystan, soltústik-batystan 9-14 m/s jel soǵady. Aýa temperatýrasy túnde -13...-15°S, kúndiz -8...-10°S.
Almatyda kóshpeli bult shyǵyp, 0-5 m/s jel soǵady. Aýa temperatýrasy túnde -10...-12°S, kúndiz -1...-3°S.
Shymkentte kóshpeli bult shyǵady, jaýyn-shashynsyz. Túnde jáne tańerteń tuman. Shyǵystan soǵatyn jel 2-7 m/s. Aýa temperatýrasy túnde -7...-9°S, kúndiz +1...+3°S.