Bul týraly Úkimet otyrysynda Energetıka mınıstri Bolat Aqsholaqov aıtty, dep habarlaıdy Egemen.kz.
Saılaý tuǵyrnamasy aıasynda Energetıka mınıstrligi segiz tapsyrmany júzege asyrýda. Úkimettiń keńeıtilgen otyrysynyń qorytyndysy boıynsha Memleket basshysy jarııalaǵan úsh tapsyrma oryndaýǵa qabyldandy.
Mınıstrdiń aıtýynsha, ádil ekonomıka seksııasynda iri munaı-gaz jobalarynyń seriktesterimen respýblıkaǵa ekonomıkalyq tıimdilikti arttyrý maqsatynda olardy damytýdyń keshendi josparyn qabyldaý jumystary júrgiziledi.
2029 jylǵa qaraı Shymkent munaı óńdeý zaýytyn 9 mıllıon tonnaǵa deıin keńeıtý jobasyn aıaqtaý josparlanýda. Bul óńdeý kólemin jylyna 21 mıllıon tonnaǵa deıin arttyrýǵa múmkindik beredi.
«Eksporttyq baǵyttardy ártaraptandyrý jónindegi tapsyrma aıasynda munaı eksportynyń balamaly baǵyttaryn damytý boıynsha Jol kartasynyń jobasy ázirlendi. Osylaısha, Ázerbaıjan, Grýzııa jáne Túrkııa porttary baǵytynda Transkaspıı halyqaralyq kólik baǵytyn damytýǵa, sondaı-aq Qytaı men Iranǵa eksporttyq baǵyttarǵa basa nazar aýdarylady», dedi B.Aqsholaqov.
Sonymen qatar 2023 jyly «JaıyqMunaı» gaz óńdeý zaýytynda Qarashyǵanaq gazyn óńdeý týraly sheshim qabyldanady, bul gaz óńdeýdi 4 mıllıard tekshe metrge arttyrady.
Memleket basshysy kótergen mańyzdy máselelerdiń biri – halyqty gazben qamtamasyz etý. Mınıstrlik 2029 jylǵa qaraı halyqty gazdandyrý deńgeıin 65 paıyzǵa deıin arttyrýdy josparlap otyr, bul 12 mıllıon adamdy tabıǵı gazben qamtamasyz etedi.