Temirtaýda oqýshy sabaqtan úıine erte qaıtý úshin mektepte jarylǵysh zat ornatyldy dep málimdegen, dep habarlaıdy Egemen.kz Polisia.kz-ke silteme jasap.
14 jeltoqsan kúni saǵat 13.00 shamasynda Qaraǵandy oblysy Temirtaý qalalyq Tótenshe jaǵdaılar basqarmasyna belgisiz bala «20 mektepti jáne onda bar barlyq adamdardy jaramyn» dep málimdegen.
Birden oqıǵa ornyna saperler men barlyq jedel qyzmetter jiberilgen. Polısııa qyzmetkerleri mektepten barlyǵy 500 adam, ıaǵnı muǵalimder men oqýshylardy evakýsııalady. Sondaı-aq mekteptiń aınalasy polısııa qyzmetkerlerimen qorshaýǵa alyndy. Bilim berý mekemesine júrgizilgen tekserý jumystary barysynda onyń ishinen eshqandaı jarylǵysh zat anyqtalǵan joq.
Atalǵan derek boıynsha Qazaqstan Respýblıkasy Qylmystyq kodeksiniń 273-babyna (Terrorızm aktisi týraly kórneý jalǵan habarlaý) sáıkes sotqa deıingi tergeý bastaldy.
Temirtaý qalalyq Polısııa basqarmasy ekstremızmge qarsy kúres bólimi qyzmekterlerimen júrgizilgen keshendi is-sharalar barysynda sol mektepte oqıtyn 12 jastaǵy oqýshy anyqtaldy. Ol úıine erte ketý úshin mektepte jarylǵysh zat bar dep habarlaǵan.