Elordadaǵy qalalyq máslıhattyń tyńdaýlarynda Astananyń jańa aýdany ataýynyń nusqalary belgili boldy, dep habarlaıdy Egemen.kz.
Elordalyq Tilderdi jáne muraǵattardy damytý basqarmasynyń basshysy Sáken Esirkeptiń aıtýynsha, onomastıkalyq komıssııanyń otyrysynda elordanyń jańa aýdanyna ataý berýdiń eki nusqasy tańdaldy. Olar Nura jáne Qaraótkel.
«Biz sarapshylarmen birneshe ret kezdesýler ótkizip, birqatar nusqany talqylap, onomastıkalyq komıssııanyń otyrysyna eki nusqany usyndyq. Birinshi nusqa - Nura, bul Aqmola jáne Qaraǵandy oblystaryndaǵy ózen. Ekinshi nusqa - Qaraótkel. Biz jańa ataýdyń ońaı aıtylý men jaǵymdy qabyldanýyna nazar aýdardyq. Biraq qazaq grammatıkasy boıynsha qatar turǵan eki daýysty dybys sózdiń aıtylýyn qıyndatady. Sondyqtan Nura nusqasyn usynyp otyrmyz», dedi Sáken Esirkep.
О́z kezeginde elorda máslıhatynyń hatshysy Erlan Kanalımov jańa aýdan ákimdiginiń apparatyn qurýǵa 390 mln teńge qarastyrylǵanyn aıtty. Sondaı-aq ol Nursultan Nazarbaev halyqaralyq áýejaıynyń aýmaǵy Esil aýdanyna qaraıtynyn atap ótti.