Jaıyq – Kaspıı basseıni sý aıdyndarynda Qorshaǵan ortany qorǵaý jáne sý resýrstary, Ishki ister, Kólik jáne kommýnıkasııa mınıstrlikteri men Ulttyq qaýipsizdik komıtetiniń birlesken buıryǵy sheńberinde «Bekire-2014» keń aýqymdy balyq qorǵaý aksııasy aıaqtaldy.
«Bekire-2014» aksııasynyń eki aı júrgizilgen jumysy nátıjesinde 1120 tabıǵat qorǵaý zańnamasyn buzý faktileri anyqtaldy, zańsyz aýlaǵany úshin 987 buzýshylyq, kemelerdiń júzý rejimin buzǵany úshin 17 aıǵaq jáne balyq resýrstaryn zańsyz tasymaldaǵany úshin 67 jáne zańsyz balyq ótkizgeni úshin 20 fakt anyqtaldy.
Ákimshilik jaýapkershilikke 899 adam tartyldy onyń ishinde 120 adam sottyq tártippen jiberildi.
Aksııanyń ótkizilýi barysynda 140 qylmystyq is qozǵalyp onyń ishinde 51 is sot organdaryna joldandy, qaraýdyń nátıjesinde 39 adam sot jáne basqa da túrli jaýapkershilikke tartyldy.
Balyq qorǵaý zańnamasyn buzýshylarǵa 5,8 mln. teńge somasyna aıyppul salyndy, balyq qoryna keltirilgen zalal mólsheri 6,8 mln. teńgeni quraıdy.
Quqyq buzýshylardan 27 tonna balyq, onyń ishinde bekire balyq túrleriniń bir tonna salmaqty, 17,8 qara ýyldyryq, 1200 birlik aýlaý quraly jáne 176 júzý quraldary tárkilendi.
Aǵymdaǵy jyly «Bekire-2014» balyq qorǵaý aksııasy qarqyndy túrde ótkizildi, aldaǵy ýaqytta da jalǵasyn tabatyn bolady.
«Egemen-aqparat».