Aralas jekpe-jekten AQSh-tyń Las-Vegas qalasynda uıymdastyrylǵan UFC Fight Night keshinde qazaqstandyq faıter Sergeı Morozov (19-5) atalǵan uıymdaǵy úshinshi jeńisine qol jetkizdi.
Jekpe-jek keshiniń shymyldyǵyn 33 jastaǵy jerlesimiz S.Morozov pen jergilikti sportshy Djýrnı Nıýson (10-4-0-1) ashyp berdi. Úsh raýndqa josparlanǵan alǵashqy aıqasta jerlesimiz qarsylasyna qaraǵanda dál soqqylardy kóp jumsap, nátıjesinde úsh tóreshi de jeńisti biraýyzdan otandasymyzǵa berdi – 30-27, 29-28, 29-28. Bul – Sergeıdiń UFC uıymyndaǵy úshinshi jeńisi. Buǵan deıin ol bes aıqasta qarsylasynan jeńilgen edi.
О́kinishke qaraı, UFC-de óner kórsetetin Orynbordyń qazaǵy Damır Ismaǵulov (24-2) bul keshte jeńilip qaldy. Álemdik reıtıngte toǵyzynshy orynda turǵan Arman Sarýkıanmen (19-3) judyryqtasqan Damır úsh tóreshiniń biraýyzdan shyǵarǵan sheshimimen qarsylasyna jol berdi.