Bul kúnderi Kanadanyń Kalgarı qalasynda konkımen júgirýden Álem kýboginiń tórtinshi kezeńi ótip jatyr. Jarystyń ekinshi kúninde qazaqstandyq Nadejda Morozova 1500 metr qashyqtyqta máre syzyǵyn úshinshi bolyp kesti.
Sportty damytý dıreksııasynyń baspasóz qyzmeti usynǵan málimetke súıensek, atalǵan jarysta otandasymyz 1000 metrge jarysýda bıylǵy Beıjiń Olımpıadasynyń chempıony japonııalyq Mıho Takagı men dál osy qashyqtyqtaǵy qola júldeger nıderlandyq Antýanetta de Iongke ese jiberip, Álem kýbogi jarysynyń qola júldesine qol jetkizdi.
Nadejda osydan týra bir apta buryn dál osy Kalgarıde ótken Álem kýboginiń úshinshi kezeńinde 1500 metrde máre syzyǵyn Mıhı Takagıden keıin kesip, kúmis júldeni ıelengen bolatyn. Qola medal Antýanetta de Iongke buıyrǵan edi. Álem kýboginiń besinshi kezeńi 2023 jyldyń 10-12 aqpany aralyǵynda Polshanyń Tomashýv-Mazoveskıı qalasynda ótedi.