Shyǵys Qazaqstan olysynda 40-qa jýyq sheteldik jaýapqa tartyldy, dep habarlaıdy Egemen.kz.
«Quqyqtyq tártip» jedel aldyn alý is-sharasy aıasynda kóshi-qon qyzmeti bólimsheleriniń qyzmetkerleri oblys aýmaǵynda ýaqytsha jáne turaqty turatyn shetel azamattarynyń tirkelgen mekenjaılaryn, sondaı-aq qabyldaýshy tulǵalardyń olarǵa shetelden qonaqtar kelgen týraly ýaqtyly habarlamalarynyń bolýyn tekserý boıynsha jumystar júrgizdi.
Úsh kún ishinde kóshi-qon zańnamasyn buzǵany úshin tártip saqshylary 98 azamatty ákimshilik jaýapkershilikke tartqan, olardyń 39-y sheteldikter, sondaı-aq olardyń ekeýi Qazaqstan aýmaǵynan tys jerlerge shyǵaryldy.
ShQO PD kóshi-qon qyzmeti qabyldaýshy jeke jáne zańdy tulǵalarǵa 3 kún ishinde kóshi-qon qyzmetine olarǵa sheteldik azamattardyń kelgeni týraly habardar etýge mindetti ekenin eskertedi. Ýaqtyly habarlamaǵan jaǵdaıda qabyldaýshy tulǵalar ákimshilik jaýapkershilikke tartylady.