Prezıdent Halyk qarjy tobynyń ókilderi Aleksandr Pavlovpen jáne Úmit Shaıahmetovamen kezdesti, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysyna banktiń qazirgi qyzmeti, damý perspektıvalary, sondaı-aq otandyq bızneske qoldaý kórsetý, sondaı-aq Qazaqstannyń shet memlekettermen ekonomıkalyq jáne iskerlik baılanystaryn keńeıtýde toptyń áleýetin paıdalaný jónindegi usynystary jóninde baıandaldy.
Banktiń ekonomıkadaǵy naqty sektordy nesıelendirýine, sıfrlyq qyzmetterdi ázirleý jáne engizý máseleleri jóninde memlekettik organdarmen ózara is-áreketine, sonymen qatar áleýmettik jobalardy iske asyrýyna erekshe nazar aýdaryldy.
Qasym-Jomart Toqaev qarjy tobynyń qyzmetine oń baǵa berdi. Bıznesti qoldaýdyń jáne Qazaqstan ekonomıkasyn qarjylandyrýdy yntalandyrýdyń ózektiligi men strategııalyq mańyzdylyǵyn atap ótti.