«QazTransGazAımaq»: Mindet – halyqqa jylý men qýanysh syılaý

– «Gaz keldi, tirshilikke jan kirdi» dep qýanǵan halyqtyń ju­­mysy jeńildep, turmysy túzel­geni ras. Búginde oblys tur­ǵyndary berekeli basta­ma­nyń ıgiligin kórip keledi. Alaıda turǵyndar tarapynan túsinbeýshilikter de bolady. Máselen, úıdegi gaz jabdyǵynan aqaý shyqsa, úı ıesi «104» qyz­metine qońyraý shalady. Mun­daı jaǵdaıda biz qubyrdaǵy gaz ótkizip turǵan krandy jaýyp tastaımyz. Budan ári úı ıesimen kelisimshartqa otyrǵan jekemenshik qyzmet kórsetý kompanııasy oryn alǵan aqaýdy jóndeýi kerek. Biraq halyqtyń deni ony túsine bermeıdi, jaýap­ker­shilikti bizdiń mekemeden talap etedi. Negizinde, lısenzııa­sy bar jekemenshik kompanııa qyzmetkerleri josparly tekserýler júrgizip, qajet bolǵan jaǵdaıda jabdyqty jón­dep, aýystyrýy kerek. Osy tár­tip­ke halyqty úıretý úshin ýaqyt qajet, – degen apattyq dıs­pet­­cherlik qyzmetiniń bastyǵy Ádilhan Erbatyr mundaı jaǵ­daı­dyń jeke sektorda jıi kezde­se­ti­nin alǵa tartty.

Ádilhan Darhanulynyń aıtýynsha, jergilikti fılıal «Gazdandyrýdyń tehnıkalyq sharttary», dep atalatyn qujat beredi. Al kógildir otynǵa qa­tysty tehnıkalyq qyzmet kór­setýdi sertıfıkattalǵan jeke­­menshik kompanııalar atqara­dy. Olar jaýapkershiligine alǵan shaǵyn aýdandar men aýyldyq okrýgter turǵyndaryna qyzmet kórsetedi.

– Tehnıkalyq qyzmet kórsetý ashyq naryqta desem de bolady. Biraq «104» nómirine túsken habarlamany «QazTransGazAımaq» AQ qabyldap, birden shaqyrǵan jerge apattyq brıgadamen jedel barady. Negizinde, qaýip­siz­dik máselesi gaz tutynýshyǵa júktelgen, – degen basshynyń só­zi­nen kóp jaıǵa kóz jetkiz­gen­deı boldyq.

Rasymen, tehnıkalyq qyz­met kórsetetin jekemenshik kom­pa­nııalarǵa baqylaýdyń joq­tyǵy baıqalady. Mundaı olqy­lyq osy qyzmetke qatysy bar barlyq uıymdardyń qyz­metin úılestirýmen, gaz jet­kizý­shi­ge, qyzmet kórsetýshi kom­pa­nııa­lar­ǵa, sonyń ishinde, RSKÝ-ǵa qa­tysty shaǵymdardy qa­raıtyn gaz-tehnıkalyq ınspek­sııa­nyń joq­tyǵynan bolsa kerek.

Desek te, «Qaz­Trans­Gaz­Aı­maq» AQ-nyń Atyraý óndiris­tik fı­lıalynyń qyzmetkerleri tur­ǵyn­dardyń ótinishin aıaqsyz qal­dyr­maıdy. Bir mysalyn aıt­saq, Atyraý qalasynyń irge­sin­­degi Kókarna eldi meke­niniń tur­ǵyn­dary úılerine jylý du­rys kel­meı turǵanyn aıtyp sha­ǵym­danǵan.

– Kókarnadaǵy Q.Ǵabdýllın kóshe­sindegi tek bes úıdiń turǵy­ny «2-3 jyl boldy, jylytý maý­­symynda úıimiz birese sýyq, bi­rese jyly» dep ótinish aıtty. Atalǵan jeke sektorlar bizdiń balansymyzda bolmasa da, baryp tekserýdi jón kórdik, – dep túsindirdi Ádilhan Darhanuly.

Mamandar 3 kún boıy zert­tep, qubyr boıyndaǵy qysym­nyń turaqty emes eke­nin anyq­ta­ǵan. Birlesken jumys­tyń nátıjesinde sebebi de tabyldy. «Kim ekeni belgisiz, qu­byr­lardyń qosylý núktesin plas­tıkalyq paketpen bitep tas­­taǵan eken», deıdi gaz taratý meke­mesiniń mamandary. Sonyń kesirinen joǵaryda aıtqan 5 úı turaqsyz gaz qy­sy­mynan jylýdy jetkilikti mólsherde almaǵan. Jyl sa­ıyn qaıtalanatyn kúr­meý­li máse­leniń sheshilgenine qýanǵan tur­ǵyndar áleýmettik jeli ar­qyly gaz qyzmetkerlerine rıza­shylyǵyn bildiripti.

Osy tusta myna jaǵdaıdy da aıta ketelik. Jýyrda belgili jýrnalıst Vıktor Sýtıagın óziniń paraqshasynda qıyn jaǵ­daıǵa tap bolǵan jas ana­nyń ómiri týraly jazdy. Onyń aıtýynsha, Dana He esimdi turǵynnyń anasy qaıtys bolyp, ózi sábıimen qıyn kúnderdi bastan ótkizedi. Jas ananyń páteri jyldap jóndeý kórmegen, tipti tabıǵı gazdyń ıgi­ligin de paıdalanyp kórmegen.

«Qaıyrymdylyq jasasań – ıgi­ligin óziń kóresiń» degendeı, tur­ǵyndar jarysa qolushyn soz­dy.

«Búgin bul páterge alǵash ret gaz berildi. «QazTransGazAımaq» AQ-nyń Atyraý óndiristik fılıaly dırektorynyń mindetin atqarýshy Samat Eshmanov bul máseleni jeke baqylaýyna alyp, kógildir otynnyń berilýin bastan-aıaq qadaǵalap otyrdy», dep jazylǵan V.Sýtıagınniń paraqshasynda. Al vıdeoda Dana Heniń ózi páterinde gaz qu­rylǵysyn paıdalanyp turyp, barlyq qoldaýshy qaıyrymdy jandarǵa rızashylyǵyn jetkizdi.

Mine, gaz taratý qyzmetker­le­ri­niń jumys barysynda mundaı mysaldar jıi kezdesedi. Bul tek bizdiń zamanaýı aqparat taratý quraldarynan bilgenimiz...

О́ndiristik tehnıkalyq bó­lim bas­tyǵynyń orynbasary Salamat Ihsanovtyń aıtýynsha, «QazTransGazAımaq» AQ-nyń Atyraý óndiristik fılıaly óńirdegi 5 600 shaqyrymdaı magıstraldyq gaz qubyryna qyzmet kórsetedi.

– Gaz tasymaldaý júıesi ny­­san­darynyń sıfrlyq kartasy jasalǵan. Kartadan barlyq aqparat kórinip turady (qubyr, abonentter). Bul derekterdi taldaý arqyly tehnıkalyq qyz­­met kórsetý men jóndeý shy­­­ǵyndaryn baqylaýǵa múm­kindik bar. Aıta keteıin, osy 5 600 shaqyrym qubyrdyń 3 myń shaqyrymy biz­diń mekemege áli kúnge deıin tap­­sy­ryl­maǵan. «Aýada» tur­­ǵan qu­byrlar biri zańdy tul­ǵa­lar­ǵa tıesili bolsa, endi biri baý-baqsha qoǵamdastyǵynyń ıe­li­ginde tur, – degen óndiristik tehnıkalyq bólim bastyǵynyń orynbasary ıesiz qubyrlardyń da apatsyz jáne úzdiksiz gazben jabdyqtalýy qamtamasyz etiletinin atap ótti.

О́ńirdegi «QazTrans­Gaz­Aı­maq» AQ-nyń Atyraý ón­di­ris­tik fılıaly gazdy taratyp tasymaldaý, turǵyndardy, kom­mýnaldyq-turmystyq, ón­er­kásiptik kásiporyndardy apat­syz jáne úzdiksiz gazben jab­dyqtaýdy qamtamasyz etý jáne ınfraqurylymdardy bas­qarý jónindegi qyzmetterdi jú­zege asyrady. Gaz taratý maman­da­ry­nyń aıtýynsha, kom­pa­nııa­nyń áleýmettik jaýap­ker­shi­ligi de joǵary.

– Fılıal basshylyǵy áleý­met­tik-eńbek qatynastaryna, kadrlardyń biliktiligin arttyrý, eńbekti qorǵaý máselelerine erekshe nazar aýdarady. Kompanııanyń kásipodaǵy tarapynan demalys ornyna jeńildikpen joldama qarastyrylǵan, sondaı-aq «Mektepke jol» aksııasynyń bel­sendi qoldaýshysy desem de bolady, – dedi óndiristik teh­nı­kalyq bólim bastyǵynyń orynbasary Salamat Ihsanov.

TÚIIN. Gaz taratý mekeme­si­niń mamandary áńgimeni to­byq­­taı túıinmen aıaqtady. Ol «Saq­­­tansań – saqtaımyn» degen tám­sil bar ǵoı, turǵyndar kó­gil­dir otynnyń qaýiptiligin es­ten shyǵarmasa eken», degen biraýyz sóz edi...

Maıra ORAZǴALIEVA