Jyl basynan beri Pavlodar oblysynda 170 679 azamat ákimshilik quqyq buzýshylyq jasaǵany úshin jaýapqa tartyldy. Onyń ishinde 112 529 jol erejesin buzý faktisi boldy, dep habarlaıdy Egemen.kz Polisia.kz saıtyna silteme jasap.
Jol qozǵalysy erejelerin buzýdyń negizgi bóligi júrgizýshilerdiń belgilengen qozǵalys jyldamdyǵynan asyp ketý faktileri – 42 800-den astam, árqaısysy QR ÁQBtK-niń 592-babyna sáıkes jazalandy.
Kólik quraldaryn basqarý kezinde qaýipsizdik beldikterin taqpaǵan 8323 júrgizýshi anyqtaldy, QR ÁQBtK-niń 593-babynyń 2-bóligine sáıkes 5 AEK mólsherinde aıyppul salyndy. 7902 jaıaý júrginshi QR ÁQBtK-niń 615-baby boıynsha joldyń júris bóliginiń belgilenbegen jerden ótkeni úshin jaýapkershilikke tartyldy, árqaısysy 2 AEK mólsherinde aıyppul arqalady.
Tek bir táýlik ishinde Pavlodar qalasynda mas kúıinde kólik quraldaryn basqarýdyń 10 faktisi anyqtaldy.