Qazaqstan Respýblıkasynyń Sybaılas jemqorlyqqa qarsy qyzmeti «Qazgeologııa» Ulttyq geologııalyq barlaý kompanııasy» AQ basshylyǵyna qatysty sotqa deıingi tergep-tekserýdi bastaǵanyn habarlady, dep jazady Egemen.kz.
«Mekeme basshylyǵy Jarǵyny buza otyryp, dırektorlar Keńesiniń tıisti sheshiminsiz Basqarma múshelerine (Basqarma Tóraǵasy, Tóraǵanyń 3 orynbasary, bas geolog) 2017-2019 jyldar kezeńinde jalaqyny, bonýstardy jáne materıaldyq kómekti 169 mln teńgeden astam somaǵa artyq tóleýge ákep soqtyrǵan laýazymdyq jalaqynyń mólsherin 2 ese ulǵaıtty degen kúdikke ilindi», delingen vedomstvo habarlamasynda.
Qazir tergeý jumystary jalǵasýda. О́zge aqparat jarııa etýge jatpaıdy.