Almatynyń patrýldik polıseıleri iri esirtki satýshysyn ustady, dep habarlaıdy Egemen.kz.
Almaty polısııasynyń habarlaýynsha, «Aqsaı» yqshamaýdanynda «Býran-082» patrýldik brıgadasy polısııa qyzmetkerlerin kórip, jasyrynbaq bolǵan jas jigitti baıqaǵan. Tártip saqshylary er adamdy qamaýǵa aldy. Ol ózimen birge esirtkiniń bar ekenin moıyndady. Odan untaqty zaty bar 80 polıetılen baılamy tárkilendi.
«Ustalǵannyń ózi paketterde sıntetıkalyq esirtki zaty «speed» bolǵanyn naqtylady. Sondaı-aq ol qalanyń ár jerindegi betbelgiler arqyly esirtki taratýshy ekenin túsindirdi. Qazirgi ýaqytta tárkilengen zattarǵa sot-hımııalyq saraptama taǵaıyndaldy. Jedel bólimsheler megapolıste esirtkini jetkizý arnasy men taralý jolyn belgileıdi», dedi Almaty qalasy patrýldik polısııa polkiniń komandıri Baýyrjan Hantemırov.
Atalǵan derek Qazaqstan Respýblıkasy Qylmystyq kodeksiniń 296-baby boıynsha sotqa deıingi tergep-tekserýdiń biryńǵaı tizilimine tirkeldi.