Qazaqstannyń jetekshi kóz hırýrgtarynyń biri - Serik Embergenuly Jumabaev 63 jasynda qaıtys boldy. Aqparatty Qostanaı oblysy ákimdiginiń densaýlyq saqtaý basqarmasynan rastady, dep habarlaıdy Egemen.kz.
Serik Jumabaev - QR Densaýlyq saqtaý isiniń úzdigi, 2008 jyly Qazaqstannyń úzdik oftalmology atanǵan.
Qostanaı oblysy ákimdigi densaýlyq saqtaý basqarmasynyń «Qostanaı oblystyq oftalmologııalyq aýrýhanasy» ShJQ MKK joǵary biliktilik sanatty oftalmolog-dárigeri bolǵan.
Eńbek jolyn Almaty qalasyndaǵy kóz aýrýlary QazǴZI-de dáriger-ıntern bolyp bastaǵan. Keıinnen Torǵaı oblysynyń aýdanaralyq kóz bólimin basqardy. Almaty q. kóz aýrýlary QazǴZI bazasynda eki jyldyq klınıkalyq ordınatýradan ótti. Kóz aýrýlary QazǴZI respýblıkalyq lazerlik ortalyǵynyń oftalmolog-dárigeri bolyp jumys istegen. Torǵaı oblystyq aýrýhanasynyń kóz bóliminiń meńgerýshisi bolǵan.
Qostanaı oblystyq oftalmologııalyq aýrýhanasynyń stasıonarlyq bólimshesin basqardy.
Ol 30 jyldan astam ýaqyt boıy Qazaqstanda lazerlik hırýrgııany damytyp, torly qabyqtyń bólinýine baılanysty operasııalardy, katarakta men glaýkomany jedel emdeýdiń zamanaýı ınnovasııalyq tehnologııasyn engizdi.
Serik Jumabaev oftalmohırýrg dárigerlerdiń birneshe býynyn tárbıelegen.
Ol sondaı-aq Densaýlyq saqtaý mınıstrliginiń, oblys ákiminiń, oblystyq densaýlyq saqtaý basqarmasynyń Qurmet gramotalarymen marapattalǵan.