Búgin Almatyda iri jol-kólik oqıǵasy boldy. Saın kóshesinde bes kólik soqtyǵysyp, oqıǵa saldarynan jasóspirim zardap shekti, dep habarlaıdy Egemen.kz.
Jol apaty soltústik baǵytta Abaı men Ulyqbek dańǵyldarynyń arasynda Saın kóshesiniń boıynda boldy.
Kia Optima júrgizýshisiniń aıtýynsha ol joldyń sol qatarynda júrgen, onyń aldynda Ford Focus kóligi kele jatqan. Alaıda Ford júrgizýshisi ońǵa qaraı júre bastaǵan. Sol kezde Mercedes kóligi qozǵalǵan. Mercedes júrgizýshisi baıaýlaýǵa tyryssa da, Ford-qa soǵylǵan. Soqtyǵysýdan keıin Mercedes jol jıegine súıenip, trotýarǵa shyǵyp ketip, aǵashqa soǵylǵan. Keıin Mercedes taǵy da jol ústine shyǵyp, Toyota Camry men Lada Priora-ny qaǵyp ketken. Ford jáne Kia kólikteri de soqtyǵysqan.
Jol-kólik oqıǵasy saldarynan Ford Focus kóliginiń jolaýshysy zardap shekti. Jasóspirim aýrýhanaǵa jatqyzyldy.