Keshe «Sezim Qala» turǵyn úı kesheninen órt shyqty. Qutqarýshylardyń arqasynda alty jáne bes jasar ul men qyz aman qaldy, dep habarlaıdy Egemen.kz.
Elordalyq TJ departamentine órt týraly habarlama 25 jeltoqsan kúni saǵat 12:36-da túsken. On eki qabatty «Sezim Qala» turǵyn úı kesheniniń altynshy qabatynda páterdiń as úıinde tońazytqysh pen esiktiń oıyǵy órtengen. О́rt sóndirýshiler órtti saǵat 12:58-de sóndirdi.
«Qutqarylǵan ul men qyz jedel járdem qyzmetkerlerine tapsyryldy, olardyń jaǵdaıy qanaǵattanarlyq», dep habarlady Astana qalalyq TJ departamentinen.
О́rtti sóndirýge astanalyq TJD jeke quramynyń 19 qyzmetkeri men tórt tehnıkasy jumyldyryldy.