Qazaqstandyq sınoptıkter 27 jeltoqsanǵa arnalǵan aýa raıy boljamyn usyndy, dep habarlaıdy Egemen.kz.
«Atmosferalyq fronttardyń áserinen eldiń ońtústiginde jaýyn-shashyn (jańbyr, qar) jaýady. Eldiń qıyr soltústiginde azdaǵan qar kútiledi. Respýblıkanyń batysynda, soltústiginde, ońtústiginde tuman túsip, ońtústiginde jáne shyǵysynda jel kúsheıedi», dep habarlady «Qazgıdromet» RMK.
Astanada bultty, jaýyn-shashynsyz aýa raıy saqtalady. Keıde tuman túsedi. Ońtústik-shyǵys, ońtústikten jel soǵyp, 1-6 m/s deıin jetedi. Túnde aýa temperatýrasy -16...-18°S, kúndiz -8...-10°S.
Almatyda da kún jaýyn-shashynsyz bolady. 0-5 m/s jel soǵyp, túnde aýa temperatýrasy -6...-8°S, kúndiz +1...+3°S bolady.
Shymkentte aýyspaly bulttylyq baıqalady. Tańerteń jáne tústen keıin jaýyn-shashyn jaýady. Ońtústik-shyǵystan jel soǵyp, 5-10 m/s bolady. Túnde aýa temperatýrasy 0...-2°S, kúndiz +7...+9°S jetedi.