Jańa jyl qarsańynda elordada Binom jelisiniń altynshy mektebi iske qosyldy. Oqý orny halyq jazýshysy Ábish Kekilbaevtyń esimimen ataldy. Saltanatty ashylý rásimine qalalyq máslıhat depýtattary qatysty, dep habarlaıdy Egemen.kz.
Jańa mektep Turar Rysqulov kóshesinde ornalasqan. Eki aýysymdy mektep 4 myń oqýshy ornyn qamtıdy. Buǵan deıin bes nysandy iske qosýdyń arqasynda BINOM bilim berý júıesindegi júktemeni azaıtyp, 20 myń oqýshy ornynyń tapshylyǵyn joıdy. Jobany BI Group qurylys holdıngi men Astana ákimdigi memlekettik-jekeshelik áriptestik tetigi boıynsha iske asyryp keledi.
Ábish Kekilbaevtyń esimimen atalǵan mektepte tıimdi oqý jáne qyzyqty demalys úshin barlyq jaǵdaılar qarastyrylǵan. Ár synyp ınteraktıvti paneldermen jabdyqtalǵan. Budan basqa mektepte robot-tehnıka kabınetteri, metall jáne aǵash oıý sheberhanalary, qyzdarǵa arnalǵan sheberhanalar, TedxBinom, Speaking Club bar.
Sondaı-aq mektepte fızıka, hımııa, bıologııa, nano jáne bıotehnologııa boıynsha 9 keńeıtilgen zerthana bar. Oqý áýesqoılary úshin zamanaýı noýtbýktermen jabdyqtalǵan kitaphana ashyldy. 100 oryndyq kınozal, kovorkıng aımaqtary men telestýdııa da bar. Aıta ketsek, bul mektepte erekshe qajettilikteri bar balalardyń qajettilikteri eskerilgen, máselen ǵımaratta jedelsatylar, pandýstar, ústelder men ústelderdiń retteletin bıiktigi, taktıldi taqtaıshalar, shekti esikter arnaıy jasalǵan.