Qurlyqtyq hokkeı lıgasynyń kezekti matchynda astanalyq «Barys» Novosıbırsktiń «Sibirimen» oınady, dep habarlaıdy Egemen.kz.
Jekpe-jektiń bastalýyna deıin qazaqstandyq klýb Shyǵys konferensııasynyń segizinshi qatarynda boldy, al reseılik klýb úshinshi orynda turdy.
Birinshi kezeń golsyz ótti, ekinshi kezeńde reseılik komanda shaıba soqty. Biraq «Barys» hokkeıshisi Djeremı Brakko esepti teńestirdi. Sońǵy jıyrma mınýtta Nıkıta Mıhaılıstiń shaıbasy sheshýshi boldy. Osylaısha, astanalyqtar 2:1 esebimen jeńiske jetti.