Fýtzaldan Almatynyń «Qaıraty» óz tarıhynda 18 márte Qazaqstan kýbogi týrnırinde úzdik shyqty. Rıkardo Kaka shákirtteri fınalda Aqtóbeniń «Rahmet» klýbyn tize búktirdi.
Semeıde ótken fınaldyq básekeniń negizgi ýaqyty 3:3 esebimen teń aıaqtalyp, komandalar bes mınýttan eki ekstra-taım oınaýǵa májbúr body. Asa tartysty ótken básekeniń esebin birinshi bolyp «Rahmet» klýbynyń oıynshysy Aısultan Joldybaev ashsa, «Qaırattan» Birjan Orazov tarazy basyn teńestirdi. Ekinshi taımda almatylyqtardan Albert Aqbalyqov pen Kaıo Sezar mergendigimen kózge tússe, aqtóbelikterden Azamat Arystanov pen Álisher Sársenbaev eki golmen jaýap qaıtardy. Sóıtip negizgi ýaqyt 3:3 esebimen teń aıaqtaldy.
Qosymsha eki taımda «Qaırat» pen ulttyq quramanyń kóshbasshysy Dýglas eki márte mergendigimen kózge túsip, komandasyna 18-kýbogin alyp berdi – 5:3. «Qaırat» Qazaqstan kýbogin qatarynan onynshy ret jeńip otyr.