Memleket basshysy Qasym-Jomart Toqaev shahmattan álem chempıonatynda tabysty óner kórsetip, kúmis medal ıelengen Dınara Sádýaqasovany quttyqtady, dep habarlaıdy Egemen.kz Aqordaǵa silteme jasap.
Qasym-Jomart Toqaev búginde Qazaqstan shahmat mektebiniń deńgeıi joǵary ekenin atap ótti. Prezıdenttiń aıtýynsha, sportshylarymyzdyń halyqaralyq týrnırlerdegi árbir jeńisi osy sport túrimen aınalysatyn jastardy qanattandyrady.
Memleket basshysy daryndy shahmatshyǵa talmaı eńbek etip, jeńisten jeńiske jete berýine tilektestik bildirdi.
Sonymen qatar Prezıdent Almatyda ótip jatqan osy álemdik saıysta joǵary nátıje kórsetken Jansaıa Ábdimálikke de izgi tilegin joldady.