Bıyl Konstıtýsııalyq reformany júzege asyrýǵa baǵyttalǵan 150 zań jobasy qaraldy, dep habarlaıdy Egemen.kz.
«Bıyl Parlament 150 zań jobasyn qarady. 79 zań qabyldandy. Bul qujattar Konstıtýsııalyq reformany júzege asyrýǵa baǵyttalǵan. Azamattardy áleýmettik jaǵynan qorǵaýǵa, bıznesti órkendetýge arnalǵan. Sondaı-aq qaýipsizdikti jáne quqyqtyq tártipti qamtamasyz etýdi kózdeıdi», dedi Toqaev.
Atap aıtqanda, bala kútimine baılanysty tólem merzimi 1 jyldan 1,5 jylǵa deıin uzartyldy. Bul shara balalardyń da, olarǵa kútim jasaýshylardyń da áleýmettik qaýipsizdigin arttyrady. Jastar sanatynyń deńgeıi 29-dan 35 jasqa deıin ósirildi. Bul azamattardyń memlekettik qoldaý sharalaryn kóbirek alýyna múmkindik beredi. Balalardy kıberbýllıngten qorǵaıtyn zańnamalyq mehanızmder engizildi.