Memlekettik qýyrshaq teatrynda kópbalaly otbasylar «Amanat» partııasy men Medeý aýdany «Baqytty otbasy» áleýmettik ortalyǵy uıymdastyrǵan jańajyldyq baǵdarlamany tamashalady.
Is-shara aıasynda balalarǵa jańajyldyq táttiler úlestirilip, qyzyqty keshtiń kýási boldy.
«Baqytty otbasy» áleýmettik ortalyǵy osy jyl ishinde qıynshylyqqa tap bolǵan kóptegen otbasylarǵa áleýmettik kómek kórsetip, mádenı sharalarǵa belsendi atsalysýǵa qoldaý kórsetti. Osy áleýmettik jobalar aıasynda baǵdarlaý jumystary, psıhologııalyq-quqyqtyq bilim berý, áleýmettik-medısınalyq, eńbek jáne mádenı sıpattaǵy is-sharalar da qatar atqarylǵan bolatyn.
Ortalyqta zańgerlik, psıhologııalyq jáne aqparattyq kómek pen konsýltasııa, profıldi oqytý, kópbalaly jáne az qamtylǵan otbasylardyń barlyq múshelerine qosymsha bilim berý jáne damytý tegin iske assa, óteýsiz grant jeńip alyp, óz kásibin asham degender úshin de qoldaý kórsetildi. Tıisti vedomstvolar men mesenattardy tartý arqyly áleýmettik kómek kórsetildi.
Sońǵy 2,5 jyl ishinde áleýmettik baǵyttaǵy jobalardyń tanymaldyǵy arta tústi. «Isker Ana» baǵdarlamasy, «Baqytty otbasy» turǵyn úı baǵdarlamasy, balabaqshadaǵy tamaq aqysy, joǵary oqý ortalyqtarynyń bilim alýshylaryna, kolledj, mektep oqýshylaryna arnalǵan shákirtaqy, «Amanat» partııasy janyndaǵy «Baqytty otbasy» qoǵamdyq qory, Eńbek baǵdarlamasy boıynsha oqytý jáne jumysqa ornalastyrý, áleýmettik tólemder mólsherin ulǵaıtý sharalaryna qatysty máseleler ýaqytynda sheshimin taýyp keledi.
Osy merzimde Medeý aýdanyna qarysty «Baqytty otbasy» áleýmettik ortalyǵynda 3609 adam tirkelse, 5476 adamǵa aqparattyq-konsýltasııalyq jáne resýrstyq qoldaý kórsetilgen. Ádistemelik jáne zań kómegine júgingender - 2208, bazalyq trenıngterge qatysqandar - 236, kópbalaly otbasylarǵa arnalǵan oqytý kýrstarynan ótkender 119-dy quraıdy. Azyq-túlikpen - 186, zattaı kómek 1577 adamǵa kórsetilgen. Qoǵamdyq uıymdar esebinen turǵyn úımen 4 adam qamtamasyz etilse, 22 adam jumysqa ornalasqan.
Medeý aýdany «Baqytty otbasy» ortalyǵynyń basshysy Tolqyn Sametova osy ıgi isterdiń basy-qasynda júrgen Amanat partııasynyń múshelerine, Almaty qalasy Áleýmettik ál-aýqat basqarmasy, Halyqty jumyspen qamtý ortalyǵy men Medeý aýdany ákimdiginiń, «Atameken» Ulttyq kásipkerler palatasy mamandaryna, «Rahym» áleýmettik úıiniń basshysy B.Sheralıevaǵa, «Baqytty otbasy» jobasynyń basshysy Á. Baıdıldanovaǵa, ASD kásipker áıelder qaýymdastyǵynyń ókilderi – G.Kaıratova, S.Aralbaeva, A. Jaılybaevaǵa, Qazaqstandaǵy daǵdarys ortalyqtary odaǵy basqarma tóraıymy Z.Baısakovaǵa, «Jetisý kúshi» QQ quryltaıshysy Á.Abıtaevaǵa, «Asar–ume» QQ negizin qalaýshy A.Nýrmashevqa rızashylyǵyn bildirdi.
ALMATY