Jańatas qalasynda ortalyq qazandyqtyń jumysyn jandandyrý boıynsha sharalar qolǵa alynyp jatyr, dep habarlaıdy Egemen.kz Jambyl oblysy ákiminiń baspasóz qyzmetine silteme jasap.
Jambyl oblysynyń ákimi Nurjan Nurjigitov Sarysý aýdanyndaǵy tótenshe jaǵdaı saldaryn joıý boıynsha jedel shtab otyrysyna qatysty. Onda óńir basshysy aýdannyń eldi mekenderin elektr energııasymen qamtý, Jańatas qalasyna jylý berý boıynsha jumystardy jedeldetýdi tapsyrdy.
Qazir Jańatas qalasyna elektr energııasy berilip úlgerdi. Endigi kezekte ortalyq qazandyqtyń jumysyn jandandyrý boıynsha sharalar qolǵa alynyp jatyr.
Barlyq saladaǵy qyzmettiń úılesimdi áreketiniń mańyzdylyǵyn basa aıtqan oblys ákimi jaýaptylarǵa naqty tapsyrmalar júktedi.