Soltústik Qazaqstan oblystyq balalar aýrýhanasy – Petropavldaǵy baıyrǵy emdeý mekemeleriniń biri. Jyl saıyn 11 myńǵa jýyq balaǵa stasıonarlyq kómek kórsetetin aýrýhananyń 11 bólimshesi bar. Jylyna túrli naýqasqa 2,5 myńdaı operasııa jasalady. Árıne, biliktiligi joǵary mamandar jetispese de kóptegen naýqas bala birshama em alǵan soń Astana men Almatynyń bilikti dárigerleriniń qaraýyna jiberiledi.
Aýrýhanaǵa bıyl alynǵan sheteldik MRT (magnıtti rezonansty tomografııa) apparaty 1,6 myń balanyń dıagnozyn anyqtady. Jalpy qýaty jylyna 4 myń balany túsirýge jetkilikti.
Jýyrda oblys ákimi Aıdarbek Saparov aýrýhana qyzmetimen tanysyp, qymbat jaraqtyń tıimdi paıdalanyp jatqanyna kóz jetkizdi. Munda tekserýden ótken 1,5 myńnan asa naýqas balanyń 90 paıyzynan astamynyń dıagnozy durys anyqtalǵan. Biraq apparatty nusqaýlyqtaǵy rejimnen aýytqymaı qoldaný shart. Keıde apparattyń sýý rejimine qaramaı jedel jatqyzylǵan naýqastardyń dıagnozy dál anyqtalmaıdy.
«Balalar naýqasynyń dıagnozy dál anyqtalsa, emdeý ádisteri de durys anyqtalady. Iаǵnı emdeýdiń tıimdiligi artatyny sózsiz. Qazir apparatty arnaıy daıarlyqtan ótken mamandar qoldanady. Keıingi kezderi balalar syrqaty azaıdy», dedi A.Saparov.
Buryn naýqastardy basqa aýrýhanalarǵa tasýǵa týra keletin. Endi ondaı yńǵaısyzdyq joıyldy. MRT-men qosa bıyl kompıýterlik tomograf, operasııa jáne ońaltý qondyrǵylary da ornatyldy.
PETROPAVL