«Azamattarǵa arnalǵan úkimet» memlekettik korporasııasy Táýelsizdik dańǵyly, 16/1 jáne Qanysh Sátbaev kóshesi, 25 mekenjaıynda halyqqa qyzmet kórsetý ortalyqtaryn ashý týraly sheshim qabyldady, dep habarlaıdy Egemen.kz.
Endi Almaty oblysynyń turǵyndary memlekettik qyzmet alý úshin ózderine yńǵaıly halyqqa qyzmet kórsetý ortalyǵyn tańdaı alady.
«Jańa sıfrlyq keńselerde sapaly qyzmet kórsetý úshin qajet nárseniń bári bar. Atap aıtqanda, qujattandyrý, jyldamdyq, áleýmettik qyzmet kórsetý aımaǵy, sondaı-aq jer kadastry qyzmetterin kórsetý bólimi bar. Sondaı-aq HQKO-da klıentter memlekettik organǵa ótinish bere alatyn E-natizhe aımaǵy bar», delingen habarlamada.
Jańa ortalyqtarda zeınetkerler, kópbalaly analar, múmkindigi shekteýli jandar úshin pandýstar, bólek qyzmet kórsetetin terezeler qarastyrylǵan.
Aıta keteıik, Táýelsizdik dańǵyly, 32 mekenjaıyndaǵy HQKO 30 jeltoqsanda jabyldy. Eki jańa halyqqa qyzmet kórsetý ortalyǵynda azamattarǵa jumys kúnderi saǵat 9.00-den 18.00-ge deıin qyzmet kórsetiledi.