Búgin Almaty qalalyq Tótenshe jaǵdaılar departamenti, QR TJM «Kazseldenqorǵaý» MM jáne «Qazgıdromet» RMK qyzmetkerleri «Shymbulaq» shańǵy bazasy men Talǵar asýyndaǵy qar kóshkininiń aldyn alý jumystaryn júrgizdi, dep habarlaıdy Egemen.kz.
Qyzmetkerler 500 tekshe metrden astam qardy tógip, taý shańǵysy kýrortynda demalyp jatqan turǵyndardyń qaýipsizdigin qamtamasyz etti.
«Jalpy Almaty oblysynda qar kóshkini qaýipi bar 165 oryn belgilengen, onyń ishinde «Medeý» ESK, «Shymbulaq» taý shańǵysy kýrorty men Úlken Almaty kólinde ornalasqan 18 qar kóshkininiń orny qala turǵyndary men týrısteri úshin eń qaýipti oryn bolyp sanalady», dep habarlady Almaty qalasy Tótenshe jaǵdaılar departamentiniń baspasóz qyzmetinen.
«Qazgıdromet» jáne «Kazseldenqorǵaý» beketteri qar kóshkini jaǵdaıyna turaqty monıtorıng júrgizedi. Shuǵyl sharalardy júrgizý úshin «Kazseldenqorǵaý» bazasynda jedel mehanıkalandyrylǵan brıgada quryldy.
Mamandar bul ýaqytta taýly aımaqqa barmaýǵa, tik qarly betkeılerden saq bolýǵa, taý shańǵysy kýrorttaryndaǵy qorshaýdan asyp ketpeýge keńes beredi. Qar kóshkini qaýpi áli de saqtalady.