Dúbirge toly jyl

QAŃTAR. Qazaqstandyq sport­shylar 2023 jyldyń shy­myl­­dyǵyn sanaýly kúnderden keıin AQSh-tyń Leık-Plesıd qala­synda alaýy tutanatyn XXX Qys­qy Ýnıversıada oıynda­ry­men ashady. 12-22 qańtar ara­ly­ǵynda uıymdastyrylatyn stý­dentter saıysynda álemniń 50 elinen kelgen 1500-ge tarta sport­shy sporttyń 12 túrinen 86 júl­de jıyntyǵyn sarapqa salady. Osydan tórt jyl buryn Kras­noıarskide jalaýy jelbiregen dodada jerlesterimiz 4 kúmis, 3 qola medal jeńip alǵan edi.

16-27 qańtar aralyǵynda boks­tan Qazaqstan quramasynyń 22 jasqa deıingi bylǵary qolǵap sheberleri Taılandtyń bas shaha­ry – Bangkokte ótetin Azııa birin­shiligine qatysady. Sondaı-aq 16 qańtardan bastap Elena Rybakına, Aleksandr Býblık bastaǵan tennısshilerimiz «Úlken dýlyǵa» sanatyndaǵy jyldyń eń alǵashqy jarysy – «Aýstralııa oýpen» dodasynda baq synaıdy.

AQPAN. Aqpan aıynyń ba­syn­da tennısten erler arasyn­da­ǵy Qazaqstan quramasy 2023 jylǵy álem chempıonatynyń fına­lyna beriletin joldama úshin Chılı sportshylarymen kezde­sedi. Báseke 4-5 aqpan kúnderi Chı­lıde ótedi. Devıs kýboginiń irik­teý matchtary tórt jekeleı jáne bir juptyq kezdesýden tura­dy. 8-19 aqpan aralyǵynda Ger­manııanyń Obergof qalasynda bıat­lonnan álem chempıonaty uıym­dastyrylady. Sondaı-aq aqpan­da fýtboldan Qazaqstan ult­tyq quramasy joldastyq match ótkizýdi josparlap otyr.

NAÝRYZ. Naýryz aıynda ádettegideı fýtboldan Qazaqstan Premer-lıgasy bastalady. Eli­miz­diń 14 qalasynda ishki birin­shilik oıyndary ótip, fýtbol maý­symy resmı túrde ashylady. Aı­dyń alǵashqy kúnderinde (2-5 naý­ryz) Nıderlandtyń Herenven qalasynda konkımen júgirý sportynan álem chempıonaty ótse, 20-26 naýryz aralyǵynda Japonııanyń Saıtama qalasynda mánerlep syrǵanaýshylardyń álemdik dodasy uıymdastyrylady. Oǵan qazaqstandyq sportshylar da qatysady dep kútilýde. Al 23 naý­ryzda fýtboldan Qazaqstan ult­tyq quramasy Eýro-2024 irikteý kezeńi aıasyndaǵy alǵashqy oıynyn elordada Slovenııa quramasymen ótkizedi. Keıinnen araǵa úsh kún salyp Danııa fýtbolshylaryn qabyldaıdy.

SÁÝIR. Sáýir aıynda tennıs­ten Qazaqstan áıelder qurama­sy Bıl­lı Djın Kıng kýbogi týrnı­riniń irikteý satysynda Polsha quramasymen sheberlik baıqasady. Atalǵan match 14-15 sáýir kúnderi Qazaq­standa ótedi. Jeńgen koman­da fınaldyq kezeńge joldama ala­dy. Irikteý matchy tórt jekeleı jáne bir juptyq kezdesýden tura­dy.

MAMYR. Bul aı sportshylar úshin de, jankúıerler úshin de qyzyq­ty bolmaq. О́ıtkeni mamyrda birneshe álem chempıona­ty ótedi dep jos­parlanǵan. Máselen, 1-14 mamyr ara­lyǵynda О́zbekstan asta­nasy – Tashkentte bokstan erler ara­syndaǵy álem birinshiligi uıymdas­tyrylsa, dzıýdoshylar 7-14 mamyr aralyǵynda Qatardyń bas shahary – Dohada bas qosady. Al 12-28 mamyrda Tampere (Fın­lıandııa) men Rıgada (Latvııa) shaıbaly hokkeıden álem chempıonaty ótedi.

Sonymen qatar osy aıda qazaq­standyq «Astana» velokoman­dasy Italııadaǵy áıgili «Djıro d’Italııa» kópkúndigine, tennıs­shile­rimiz 28 mamyr men 10 maýsym ara­lyǵyndaǵy «Rolan Garros» (Parıj) dodasyna qatysady. 31 maý­symda fýtboldan Eýropa lıga­synyń fınalyn tamashalaımyz.

MAÝSYM. Maýsymda fýtboldan Qazaqstan ulttyq quramasy Eýro-2024 irikteý saıysyndaǵy kezekti týr oıyndaryn ótkizedi. 17 maýsymda syrt alańda San-Marıno, 20 maýsymda Soltústik Irlandııa quramalarymen kez­desedi. Sondaı-aq bul aıda Kon­ferensııa lıgasynyń (Praga, Chehııa), Chempıondar lıgasynyń (Ys­tanbul, Túrkııa) jáne Ulttar lıgasynyń tórttik fınaly ótedi.

ShILDE. Qazaqstandyq fýtbol klýb­tary Eýrododa oıynda­ry­nyń irikteý matchtaryn bastaıdy. «Aqtóbe», «Tobyl», «Orda­basy» komandalary Kon­fe­rensııa lıgasyndaǵy joryq­taryn bas­tasa, izin ala «Astana» komandasy Chempıondar lıgasyndaǵy oıyn­daryn ótkizedi. Shildeniń basyn­da ádettegideı «Týr de Frans» velokópkúndigi uıymdas­tyrylady. Jarysqa «Astana» komandasy da qatysady. Sondaı-aq 3-16 shilde aralyǵynda tennısten «Ýımbldon» dodasy ótedi. Este­rińiz­de bolsa, byltyrǵy jarysta Qazaqstannyń birinshi raketkasy Elena Rybakına jeńimpaz atanǵan bolatyn. Sonymen qatar shildeniń sońyna qaraı sý sporty túrlerinen (Fý­kýoka, Japonııa) jáne sadaq atý­­dan əlem chempıonatynyń (Ber­lın, Germanııa) jalaýy jelbi­reıdi.

TAMYZ. Tamyzda da sport jankúıerleri úsh birdeı álem chem­pıo­natynyń kýási bolady. 19-27 tamyz aralyǵynda Majarstannyń bas shahary – Býdapeshte jeńil atletıkadan álemdik dodanyń alaýy tutansa, 23-27 tamyzda Is­panııanyń Valensııa qalasynda kórkem gımnastıkadan álem birin­­shiligi ótedi. Al 25 tamyz ben 10 qyr­kúıek aralyǵynda bas­ket­boldan álem chempıonaty uıym­das­tyrylady. О́kinishke qaraı, sońǵysyna Qazaqstan qurama­synyń sportshylary qatysa almaı­dy. 28 tamyz – 10 qyrkúıekte tennıs­shilerimiz «Úlken dýlyǵa» sana­tyndaǵy US Open týrnırine qatysady.

QYRKÚIEK. Bul aıda qazaq­standyq sport jankúıerleri Qytaıdaǵy dúbirli dodaǵa kóz tigedi. О́ıtkeni Hanchjoý qalasynda 2023 jyldyń basty básekesi – jazǵy Azııa oıyndary ótedi. Bul – Parıj Olımpıadasy aldyndaǵy sportshylarymyzdyń shamasyn baıqaıtyn sát. Azııa oıyndary 23 qyrkúıek pen 8 qazan aralyǵynda uıymdastyrylady. Sondaı-aq qyrkúıekte velosporttan eń iri úsh grand-týrdyń sońǵysy – 21 kezeńnen turatyn «Ispanııa Výeltasy» bastalady. Sonymen qatar bul aıda aýyr atletıkadan (Er-Rııad, Saýd Arabııa), eskek esýden (Belgrad, Serbııa) jáne kúres túrlerinen (Belgrad, Serbııa) álem chempıonattary ótedi.

Fýtboldan Qazaqstan qurama­sy qyrkúıekte Eýro-2024 irikteý kezeńi aıasynda eki match ótkizedi. 7 qyrkúıekte Fınlıandııa quramasyn qabyldasa, 10 qyrkúıekte Soltús­tik Irlandııa fýtbolshylarymen jasyl alańda jolyǵady.

QAZAN. Qazan aıynda fýtbolshylarymyz Eýro-2024 irikteý kezeńindegi taǵy eki oıynyn ót­kizedi. 15 qazanda Magomed Adıev shákirtteri Danııaǵa sapar shek­se, 18 qazanda Fınlıandııa qura­masymen oınaıdy.

QARAShA. Bul aıda tennısten erler jáne áıelder quramamyz Bıllı Djın Kıng jáne Devıs kýboginiń fınaldyq kezeńine qatysýy múmkin. Ol úshin jerles­terimiz jyl basyndaǵy irikteý saıystarynda sátti óner kórsetýge tıis. Áıelder arasyndaǵy fınal matchtary 8-13 qarashada Shotlan­dııanyń astanasy – Glazgoda, erlerdiń fınaly 22-26 qarashada Ispanııanyń Malaga qalasynda ótedi dep josparlanǵan. Sondaı-aq qarashada fýtbolshylarymyz Eýro-2024 dodasynyń irikteý kezeńin aıaqtaıdy. 17 qarashada jerles­terimiz Astanada San-Marı­no quramasymen kezdesse, 21 qarashada syrt alańda Slo­­venııamen jyldy qorytyn­dylaıdy.

JELTOQSAN. Ádettegideı jeltoqsan aıy bastalysymen 2023/2024 jylǵy qysqy sport maýsymy ashyq dep jarııalanady. Bul aıda short-trek, konkımen júgirý, bıatlon jáne shańǵyshylardyń Álem kýbogi kezeńderi shymyldyǵyn túredi. Sondaı-aq jyl boıy jekelegen jáne komandalyq synda el namysyn qorǵaıtyn sportshylarymyz túrli deńgeıdegi halyqaralyq jarystarǵa qatysady.