Q.Sydıyqov atyndaǵy Mańǵystaý oblystyq ámbebap kitaphanasy arnaýly bóliminiń áleýmettik qyzmetkeri Saıda Qusaıynovanyń balalarǵa arnap braıl júıesinde daıyndaǵan ertegi kitapshalary kórý qabileti tómen jas oqyrmandarǵa jańa jyldyq syı boldy.
Buǵan deıin barlyǵy 8 kitapsha daıyndap shyqqan Saıda – Oral qalasyndaǵy zaǵıp jáne nashar kóretin balalarǵa arnalǵan mekteptiń túlegi. Bıyl 30 jasqa tolǵan ol óz eńbekterin oqýshylardyń qyzyǵýshylyǵyna qaraı oryndaıdy, mysaly zaǵıp balalardy qýantý úshin ol bes ertegi kitapshasymen birge, Túrik qaǵanaty men Mosarttyń ómirbaıany kitapshasyn jáne bir kórneki qural qurastyryp usyndy.
– Balalar jańa jylǵa syılyqtar kútedi. Men de olardyń kóńil kúıin kóterýge tyrystym. Balalarǵa arnalǵan bul kitapshalar qol motorıkasyn damytyp, olardyń oqýǵa qyzyǵýshylyǵyn arttyrady dep senemin deıdi, – Saıda Qusaıynova.
2019 jyldan beri kitaphananyń arnaýly bóliminde braıldan qosymsha sabaq júrgizetin Saıda zaǵıp balalarǵa qýanysh syılaýmen qatar, olardyń rýhanı kókjıegin keńeıtetin basqa da tyń jobalardy qolǵa almaq.
Mańǵystaý oblysy