5G jıiligine arnalǵan aýksıon

Básekelestikti qalyptastyrý baǵytynda aýksıonǵa radıojıi­likterdi bólý tártibimen beki­til­gen talaptarǵa sáıkes keletin kompanııalar qatysa alady. Bul aýksıon 5G tehnologııalary úshin ra­dıojıilikterdi taratýdyń ashyq mehanızmin kórsetedi. Osyndaı is-sharalardyń ótkizilýi eldegi telekommýnıkasııalyq jelilerdiń damýyna serpin be­retini sózsiz. Oǵan qosa, jańa operatorlar úshin básekelestik or­tanyń qurylýyna múmkindik beredi.

«Búgingi tańda tehnologııa­lar qarqyndy damyp keledi. Son­­dyqtan ártúrli ekojúıe­ler­­di, qosymshalardy, qyz­met­­terdi júıelendirý úshin sa­paly ınfraqurylym qalyp­tas­tyrýymyz qajet. Árıne, 5G tehnologııasyn damytý úshin birneshe jyl qajet. Alaıda osy ýaqyt ishinde trafıkter edáýir úlken kólemde damyp, jańa qyzmetter paıda bolady. Biz aza­mattarymyzǵa sapaly zamanaýı servısterdi usyný úshin, jańa uıaly baılanys júıesin engizýdi kózdep otyrmyz», deıdi Sıfrlyq damý vıse-mınıstri Ashat Orazbek.

Aýksıon sharttary boıynsha qatysýshyda – keminde alty oblysty, respýblıkalyq mańyzy bar qalalardy qamtıtyn tele­kom­mýnıkasııalar men uıaly baı­­lanystyń magıstraldyq je­­lileri jáne memlekettik lısen­zııasy bolýǵa tıis. Taǵy bir ma­ńyzdy talap – qatysýshy kompanııa taramaǵan nemese bankrotqa ushyraý satysynda bolmaýy kerek. Oǵan qosa, kepildik jarnany tólegeni týraly qujattardy usynýǵa mindetti.

GSMA Intelligence halyq­aral­yq uıymynyń jahan­dyq jáne óńirlik zertteýi 2030 jylǵa qaraı 5G tehnologııalary jalpy ishki ónimge jáne áleýmettik-ekonomıkalyq jaǵ­daıǵa oń áserin tıgizetinin ba­ǵalaǵan.

Halyqaralyq taldaý negizinde C-band dıapazonynda 5G tehnologııasyn engizý 2030 jyly álemdik IJО́-niń 610 mlrd dollardan asýyna (ósýine) ákeledi. Bul 5G tehnologııasynyń jalpy áleýmettik-ekonomıkalyq áseriniń 65 paıyzyn quraıdy.

5G tehnologııalary men qyzmet­teriniń áleýmettik-eko­no­mıkalyq áserinen basqa, densaýlyq saqtaý men bilimge qol­jetimdilikti jaqsartý, qo­ǵam­dyq qaýipsizdikti arttyrý jáne qorshaǵan ortanyń lastanýyn azaıtý sııaqty qosymsha artyq­shylyqtary kútilýde. Joǵaryda atalǵan zertteý boıynsha TMD elderinde 5G-di qoldanysqa engizý arqyly IJО́-niń 14 mlrd dollarǵa ósýi boljanady, onyń ishinde Qazaqstannyń úlesi – 12 paıyz. 2020-2030 jyldary álem boıynsha 5G tehnologııasyn engizýdiń artyqshylyqtaryn eskere otyryp, C-band 5G dıapazonyna basymdyq beretin Qazaqstan Respýblıkasy memlekettik saıasaty jáne qurylǵan ınfraqurylym  aldaǵy jyldary ekonomıkalyq damýǵa yqpal etedi», delingen mınıstrlik habarlamasynda.

Sala málimeti boıyn­sha, da­myǵan elderde 5G jıilikterin satý aýksıondarynda qomaqty qarajat bólingen. Mysaly, Shveı­­­sarııada – 378 mln dollar, Ita­lııada – 6,5 mlrd eýro, Ispa­nııada – 437,6 mln eýro, Aýstrııada – 188 mln eýro, Ulybrıtanııada – 1,35 mlrd eýro, Germanııada – 6.5 mlrd eýro, Ońtústik Koreıada – 3,3 mlrd dollar.