Memleket basshysy Qasym-Jomart Toqaevtyń ushý geografııasyn keńeıtý jáne halyqaralyq reıster sanyn ulǵaıtý jónindegi tapsyrmalaryn oryndaý maqsatynda Indýstrııa jáne ınfraqurylymdyq damý mınıstrliginiń Azamattyq avıasııa komıteti «Ashyq aspan» rejımin 2027 jyldyń sońyna deıin uzartty, dep habarlaıdy Egemen.kz vedomstvonyń baspasóz qyzmetine silteme jasap.
«Ashyq aspan» rejımi reıster sany boıynsha barlyq shekteýlerdi alyp tastaýdy jáne qazaqstandyq avıakompanııalar jumys istemeıtin baǵyttar boıynsha sheteldik avıakompanııalarǵa «aýa erkindiginiń» besinshi dárejesin berýdi kózdeıdi.
Atalǵan rejım Astana, Almaty, Taraz, Shymkent, Aqtaý, Semeı, Qaraǵandy, О́skemen, Pavlodar, Petropavl, Kókshetaý jáne Túrkistan qalalarynyń 12 halyqaralyq áýejaılarynda qoldanyldy. Aqtóbe oblysynyń ákimdigimen birlesken jumys qorytyndysy boıynsha bul rejım óńirdi damytý maqsatynda Álııa Moldaǵulova atyndaǵy Aqtóbe qalasynyń halyqaralyq áýejaıynda da engizildi.
Sondaı-aq «Ashyq aspan» jańa sheteldik tasymaldaýshylardy tartýǵa, áýe tasymaldaýshylardyń básekelestigin damytýǵa, halyqaralyq marshrýttardy ashýǵa, avıabıletter qunyn tómendetýge, týrızmdi damytýǵa jáne Qazaqstan qalalarynyń kóliktik qoljetimdiligin arttyrýǵa yqpal etedi.